ATP-ის ყველაზე ახალგაზრდა ჩემპიონები (TOP 5)
2 წლის წინ
ჩოგბურთი
3 წთ
1 ლეიტონ ჰიუტი
მსოფლიო რეიტინგის ყოფილმა პირველმა ნომერმა, ლეგენდარულმა ლეიტონ ჰიუიტმა, კარიერის პირველი ტიტული ადელაიდას ტურნირზე 1998 წელს მოიპოვა, მაშინ იგი 16 წლის და 10 თვის იყო.
2 ანდრეი მედვედევი
ანდრეი მედვედევის საუკეთესო მაჩვენებელი მსოფლიოს მე-4 ნომრობა გახლდათ, რუსმა ჩოგბურთელმა პირველი ტიტული გენოას ტურნირზე, 1992 წელს მოიპოვა, რა დროსაც ის 17 წლის და 9 თვის იყო.
3 კეი ნიშიკორი
კეი ნიშიკორის კარიერა კვლავ აქტიურ ფაზაშია, ამერიკაში აღზრდილმა და განვითარებულმა, წარმოშობით იაპონელმა ჩოგბურთელმა, კარიერაში პირველი ტიტული 2008 წლის დელ რეი ბიჩის ტურნირზე მოიპოვა, იმ დროისათვის ნიშიკორი 18 წლისა და 1 თვის გახლდათ.
4 რაფაელ ნადალი
ლეგენდარული ესპანელი "მატადორი" ამ მხრივაც გამორჩეულ ხუთეულში იკავებს საკუთარ ადგილს, რაფამ კარიერაში პირველი ATP-ის ტიტული 2004 წლის სოპოტის ტურნირზე მოიპოვა, მაშინ როდესაც 18 წლის და 2 თვის იყო.
5 კარლოს ალკარას გარფია
კარლოს ალკარას გარფიას ჰქონდა შანსი, რომ აღნიშნული სტატისტიკური მაჩვენებლის ხუთეულში, მე-5 პოზიციის ნაცვლად მე-3 პოზიციაზე წარედგინა საკუთარი თავი, თუმცა ამისათვის მხოლოდ 1 თვე "დააგვიანდა". გასულ კვირაში, უმაგის ტურნირზე ალკარას გარფიამ შესანიშნავად იასპარეზა და კარიერაში პირველი ATP-ის ტიტული მოიპოვა, მისი ზუსტი ასაკი 18 წელი და 2 თვეა.